Aisha (raziyAllahu anha) farmati hain: Maine Allah ke Rasool ﷺ ko shaban ke mahine se ziyadah kisi aur mahine mai roze rakhte huwe nahi dekha Aap sara shaban hi roze rakhte Aap shaban mai aksar ayyaam roze rakhte the. Muslim 1156
Ek aur hadees mai is ki wajah Nabi ﷺ yuhn bataya hai ke: Ye aisa mahina hai jis mai aksar log ghaflat ka shikar hojate hain jo rajab aur ramazan ke beech hai, ye aisa mahina hai jis mai aamaal Rabbu al-Alameen ke taraf uthaye jaate hain Mai ye pasand karta hoon ke Mere aamaal roze ki halath mai uthaye jaaye. ( Hadees Sunun tirmizi 2221 sahi by al-Albani)
Yani, Shaban mai Allah ke paas bando ke aamal uthaye jaate hain is liye Nabi is mahine mai kasrat se roze rakhna pasand karte the taake jab aamaal Allah ke paas pesh kiye jaye to Mai roze ki halat mai rahun. Kasrath se roze rakhne ka matlab Nabi ﷺ is mahine mai aksar din roze rakhte the, lykin is ka ye matlab nahi ke shaban ka pura hi mahina roze rakhte, agar aap log shaban ka pura mahina aur phir ramazan ka pura mahina roze rakhte hain to phir ramazan 60 din jitna taweel lagega lihaza shaban mai kuch din roze rakhna kuch din gap dena aur phir kuch din roze rakhna kuch din gap dena is tarah se ziyada se ziyada roze rakhna chahiye.
Aur jo ek din Roza rakhe Allah ki raah mein to Allah uske munh (face) ko sattar (70) baras ki raah tak dozakh se dur kar deta hai..
Abu Said khudri (raziyallahu anhu) se rivayat hai ki Allah ke Rasool ﷺ ne farmaya ki jo ek din Roza rakhe Allah ki raah mein to Allah uske munh ko sattar baras ki raah tak dozakh se dur kar deta hai. (Hadees Sahih Muslim , Vol3, 2713)
Aur Aisha (Raziyallahu anha) se rivayat hai ki Allah ke Rasool ﷺ peer (monday) aur jumairat (Thursday) ko khas taur se roza rakhte the. (Hadees Jamia Tirmidhi , Vol 1, 723 - Hasan)
Lihaza hafta wari mai peer aur jumerat ke ye sunnat roza rakhte hain to is shaban ke purey mahine mai kam se kam 8 roze hojayenge. Aur mazeed is mahine ke baqi dino mai ziyadah se ziyadah roze rakh sakte hain chun ke shaban ke mahine mai kasrat se roza rakhna sunnat hai jaisa ke darj bala hadees mai warid hai. Aiyyaam e beed her mahine ke teen din roze rakhna sunnat hai agar chahiye to shaban ka mahine samjh kar ye teen roze rakhle to shaban ke mahine mai kuch roze rakhne ki fazilat hasil hojayegi...
Koi bhi neki karo, ek neki ka kam se kam sawab das (10) nekiyon ke barabar hai, Is lihaz se ek (nafil/sunnat) roze ka sawab kam se kam das rozo ke bara bar hai aur ek roze ki wajah se Allah aap ke chehre ko jahannam se sattar baras tak ki musifat door kartedaga in shaa Allah. Aur shaban mai roze rakhne se aane wale ramazan ki tayyari bhi hojati hai.
ﻭﺍﻟﻠﻪﷻ ﺃﻋﻠﻢ
