Humko maloom hain history main bahut saari new bimariya aayi thi jinka ilaaj baad main mila, yeh koi nayi baat nahi hain ke koi bimari aagayi aur log keh rahe hain ishwar nahi hain yeh baat apne aap main mazaak hain. Bhala nayi bimari ke aane se ishwar ke hone ya na hone ka kya talooq ?
Nayi bimari aane ke baad sab hospital ki taraf hi jaate hain to kuchh log mazak udate hain ki ab ishwar ki taraf kyun nahi jaate ab vigyan ki taraf kyun aate ho ? Yeh baat bhi illogical hain, iski wajah yeh hain ki Muslim ko to yeh order diya gaya hain ki bimaari ki dawa ko dhoondo, iska isara humko ish hadith se milta hain-
"Nabi ﷺ ne Farmaya Allah Tala ne koi Aisi Bimari nahi utaari Jis ki dawa bhi Naazil na ki ho"
Kyun ki bimari ki dawa to scientist hi khojta hain na koi molana thodi khojta hain. To bimari ke ilaaj ke liye hospital jana jaruri hain.
Bimari Allah utarta aur uski dawa bhi Allah hi utarta. iski bahut saari wajah hain. ek wajah to yeh hain ki iske zariye Allah humara test leta hain. Kya hum fir bhi Allah pe yakeen rakhege ya nahi ? jaisa ki ish ayat main likha hain -
"aur dekho hum tumhen aazmayen gay zaroor , ( kabhi ) khof say , aur ( kabhi ) bhook say , ( kabhi ) maal o jaan aur phalon mein kami ker kay . aur jo log ( aesay halaat mein ) sabar say kaam len inn/unn ko khushkhabri suna do"
Qur'an 2:155
Dusari wajah hain jalimo ke upar aazaab bimari ki shakal main aana jaisa ki iska isara humko Qur'an ki ish ayat se milta hain -
"magar huwa yeh kay jo baat unn say kahi gayi thi , zalimon ney ussay badal ker aik aur baat banali . nateeja yeh kay jo nafarmaniyan woh kertay aarahey thay hum ney unn ki saza mein unn zalimon per aasman say azab nazil kiya"
Quran 2.59
jo bhi nayi bimari aati hain wo aajaab hain ya aazmaish, yeh batana humare liye muskil hain. iski wajah yeh hain ki humare paas Allah ki taraf se koi directly massage nahi aata, jaise Muhammad ﷺ ke paas aata tha, isliye hum ispe koi statement nahi de sakte. Kuchh aisa hi umar (rz) nay ish hadeesh main kaha
"RasoolAllah ﷺ ke zamane mein logon ko wahi ke zariye fesla ho jata tha. lekin ab wahi ka silsila khatam ho gaya. aur hum sirf inhen umoor mein fesla karen ge jo tumhare amal se hamare samnay zahir honge. is liye jo koi zahir mein hamare samnay kher kere ga, hum usse aman denge. aur apne qareeb rakhen ge. is ke batin se hamein koi sarokaar nahi hoga. is ka hisaab to Allah taala karega aur jo koi hamarey samnay zahir mein buraiee kerega to hum bhi usay aman nahi denge aur nah hum is ki tasdeeq karen ge chahey woh yahi kehta rahay ke is ka batin achchhaa hai"
"Maine RasoolAllah ﷺ se taoon ke baarey mein pucha to Aap ﷺ nay farmaya ke ye ek azaab hai, Allah jispar chahta hai bejhta hai, lekeen Allah nay usko momeen ke liye Rehmat bana diya hai, Agar kisi shakhs ki basti mein taoon fel jaaye aur wo sabar ke saath Allah ki rehmat se ummeed lagaye hue wahin thehra rahey ke hoga wahi jo Allah nay kismat main likha hai, to usse shaheed ke barabar sawaab mileaga"
Bukhari 3474
"RasoolAllah ﷺ ne farmya tawoon ek tarah ka azaab hai jo bani israil ke ek giroh par ya tum se pahele logon par bheja gya tha jab tum kisi mulk me uske fail jane ke mutalik suno to tum us mulk ki taraf peshkarmi na karo aur jab kisi sar'zameen me fail jae aur tum wanha maujood ho to phir tum wanha se raah farar ikhtiyar na karo"
Abu-hurera (rz) kehtey hain-
"Muhammad ﷺ ney farmaya ke chhoot lag jana, sifar ki nahosat aur uuullllu ki nahosat koi cheez nahi. aik dehati ney kaha : ya RasoolAllah ! Fir is oont ke mutaliq kya kaha jayega jo registaan mein hiran ki tarah saaf chamakdar hota hai lekin kharish wala oont usse mil jata hai aur usse bhi kharish laga deta hai. Muhammad ﷺ ney farmaya lekeen pehlay oont ko kis neh kharish lagai thi ?"
Ish hadith se yeh pata chalta hain ki Muhammad ﷺ asbaab ke saath saath Musabbib-ul- Asbaab ke upar bhi nazar rakhne ki tarqeeb dila rahe thay. Matlab jo chijje zaroori ho bimari se bachne ke liye wo karna zaroori hain lekeen taqdeer pe bhi yakeen rakhna hai. Isliye Muhammad ﷺ nay kaha "pehlay oont ko kis neh kharish lagai thi ?" Kyun ki sabse pehle bimari aati to Allah ki taraf se hi hain na kissi zariye se . Iske baad yeh hadith hai jo bimari se dur rehne ke bare mai isara karti hai-
Abu-hurera (rz) kehtey hain-
"RasoolAllah ﷺ ney farmaya ke koi shakhs apne bimaar oonton ko kisi ke sehat mand oonton mein nah le jaye. abu-hurera (rz) ney pehli hadees ka inkaar kya. hum ney ( abu-hurera (rz) se ) arz kiya ke aap hi ney hum se yeh hadees nahi bayan ki hai ke chhoot yeh nahi hota phir woh ( gussa mein ) Habshi zabaan bolnay lagey. abu salma bin Abdul Rahman neh bayan kya ke is hadees ke siwa mein ney abu-hurera (rz) ko aur koi hadees bholte nahi dekha"
"RasoolAllah ﷺ ney farmaya ke chhoot lagna, bdshgoni lena, uuullllu ka manhoos hona aur sifar ka manhoos hona yeh sab laghu khayalat hain Albata jazam ke mareej se aise bhago jaise ke sher se bhagte ho"
"UmerA bin shareed ney apne waalid se rivayet ki, kaha : Aqeef ke wafad mein korhh ka ek mareez tha RasoolAllah ney is ko pegham bheja : hum ney ( bil wasita ) teri bait le li hai, is liye tum ( apne ghar ) lout jao" .
"Umar bin khattab (rz) syria jaa rahe they jab aap maqam sargh par puhuche to aap ki mulaqaat foujon ke umraa 'Ubaida bin Al-Jarrah' (rz) aur aap ke sathiyon se hue. un logon ney umar (rz) ko bataya ke taoon ki waba syria mein fel chukki hai. Ibn abbas (rz) ney kaha ki is par Umar (rz) ney kaha ke mere paas muhajreen awleen ko bulaa lao. aap inhen bulaa laaye to Umar (rz) ney un se mahswara kya aur inhen bataya ke syria mein taoon ki waba fel chukki hai, muhajreen awleen ki rayein mukhtalif ho gayeen. baaz logo ney kaha ke sahaba RasoolAllah ﷺ ke sathiyon ki baqi mandah jamaat aap ke sath hai aur yeh munasib nahi hai ke aap inhen is waba mein daal de. Umar (rz) ney kaha ke aacchaa ab aap log tashreef le jayen phir farmaya ke Ansar ko bulaao. mein Ansar ko bulaa kar laya aap naay un se bhi mahswara kya aur unhon ney bhi muhajreen ki tarah ikhtilaaf kya koi kehne laga chalo, koi kehne laga lout jao. Umar (rz) ney farmaya ke ab aap log bhi tashreef le jayen fir farmaya ke yahan par jo Quresh ke barray boorhay hain jo fatah mecca ke waqt islam qubool kar ke madinah aeye they inhen bulaa lao, mein inhen bulaa kar laya. un logo mein koi ikhtilaaf raye paida nahi suna sab ney kaha ke hamara khayaal hai ke aap logo ko sath le kar wapas lout chalein aur waba fele mulk mein logo ko naa le kar jayen. yeh suntey hi Umar (rz) ney logon mein elaan kara diya ke mein subah ko oont par sawaar ho kar wapas madinah lout jaoon ga tum log bhi wapas chalo. subah ko aisa hi suna, Abu 'Ubaida bin Al-Jarrah (rz) ney kaha kya Allah ki taqdeer se faraar ikhtiyar kiya jaye ga. Umar (rz) naay kaha : kash! yeh baat kisi aur ney kahi hoti haan hum Allah ki taqdeer se faraar ikhtiyar kar rahay hain lekin Allah hi ki taqdeer ki taraf. kya tumahray paas oont ho aur tum inhen le kar kisi aisi waadi mein jao jis ke do kinare ho ek sirsabz shadaab aur dosra banjar. kya yeh waqea nahi ke agar tum sirsabz kinare par churao ge to woh bhi Allah ki taqdeer se ho ga. aur khushk kinare par churao ge to woh bhi Allah ki taqdeer se hi ho ga. bayan kiya ke fir `Abdur-Rahman bin `Auf, (rz) aa gaye woh apni kisi zaroorat ki wajah se is waqt mojood nahi they unhon naay bataya ke mere paas masla se mutaliq ek ilm hai. mein naay rasool Allah sale Allah aleh wasallam se suna hai AAP ﷺ ney farmaya ke jab tum kisi sir zameen mein ( waba ke mutaliq ) suno to wahan nah jao aur jab aisi jagah waba aa jaye jahan tum khud mojood ho to wahan se mat niklo. Ravi ney bayan kiya ke is par Umar (rz) ney Allah taala ki hamd ki aur fir wapas ho gaye"
Ek Anti-muslim nay post kiya
"Bukhari 5731 ish hadeesh main Muhammad ﷺ nay kaha hai madina main koi bhi taoon ki bimari dakhil na hogi lekeen corona virus hogaya isse Muhammad ﷺ galat sabit huee"
Astaghfirullah
Hadith yeh hain.
"RasoolAllah ﷺ nay Farmaya madina main dajjal dakhil nahi hoga na taoon dakhil hoga"
Mujhe lagta hain Jab dajjal ka fitna aayega to usi waqt usi time main ek taoon ki bimari ka bhi fitna aaega aur ye dono madine me dakhil nhi ho payege. ish hadeesh ka matlab yeh hai jaisa hadeesh main likha hai.
Lekeen koi bhi felne wali bimari dakhil nahi hogi aisa hadeesh main nahi likha hua balki dajjal ke saath likha hain.
Bimari ki baat hai to khujli ki bimari felti hai aur kai bimari hai jo felti hai, aur ye felne wali bimariya har desh me har saher me hai. Muhammad ﷺ nay dajjal aur taoon dono bade fitne ka zikr kiya hai matlab ek hee time mein dono aayegi jo madine me dakhil nahi ho payegi.
Olama ne taoon se murad khas taoon hi liye hai jo Jaraseem se felte hai, aur fode ki shakal me jism me Zahir hote hai. Jaisa k hazrat umar razi allaho anhu ke dour me Iraq etc me faila tha.
Fathul Baari mein is Hadees ki Sharah karte huye 🎓Hafiz ibne Hajar likhe hain ki
إن الممنوع منهما الطاعون المعروف لاغيره
"(Is Hadees mein) jis waba ke (haram🕌🕋 mein) dakhil na hone ki baat (kahi gayi) hai (to woh) koyi dusri bimari nahi, (balki) isse murad wahi ta'oon ki bimari hai"
🎓Imam Nawawi, Abu Ahsan Madaayni ke hawaley se likhte hain
أن مكة والمدينة لم يقع بهما طاعون قط
{ الأذكار ص 139}
"Makka aur Madina mein ta'oon kabhi dakhil nahi huwa hai"
Reference : Azkaar, safah No. 139
is Hadees ki sharah mein kaha gaya hain
عدم دخول الطاعون للمدينة المنورة ومكة المكرمة لا يعني عدم دخول غير الطاعون من باقي الأوبئة إليهما فقد تدخل الأوبئة إليهما والحديث خاص بالطاعون لا بغيره من الأمراض والأوبئة..
"Ta'oon ke dakhil na hone ka ye matlab nahi ki ab Makka-Madina mein koyi (dusri) wabayi bimari dakhil nahi hogi (balki) ye Hadees sirf ta'oon (plague) ke liye khas hai"
Ab ye baat wazeh ho gayi ki Madina me dakhil na hone wali waba ta'oon hai aur tareekh gawaah hai ki aaj tak Ta'oon Makka-Madina mein dakhil nahi ho saka hai, aur is baat ka hamein yaqueen hai ki ta'oon waha kabhi dakhil bhi nahi hoga kyunki ki ye ALLAH TA'ALA ke Rasoolﷺ❤️ ka farmaan hai.
Ta'oon aur corona dono ek dusre se transfer hone wali bimariya'n hai lekin dono mein buniyadi farq yeh hai ki Ta'oon bacteria se failta hai jabki corona ka transmission virus ke zariye hota hai.
Aur Madina mein dakhil na hone wali hadees mein bacteria se failne wale ta'oon ka zikr hai na ki virus se failnae wale Corona ka.
Allah knows best
 KI BIMARI MADINA MAIN DAKHIL NAHI HOGI ? ){kind=link}