Jaise ke coronavirus ki wajah se sari dunya ke log pareshan hain, Masjido mai ibadat nahi horahi hain, sare karobar thap hain, logo ko sahi se khane ko nahi mil raha hai, din ba din gharelo masayal badh rahe hain, din ba din ye waba badhte jarahi hai.
Aaj juma ka din hai, asr aur maghrib ke beech dua qubool hone ki ek khaas ghadi hai, Lihaza ikhlas e niyyat se dua kijiye shayad ke Allah dua qubool kare, is waba ko hum se door kare aur hamare masayal hal kare.
Abu hurairah radi allahu anhu se rivayat hai ki Abu Al-Qasim (Yani Rasool-Allah) ﷺ ne farmaya juma mein ek ghadi aisee aati hai ki jo musalman bhi us waqt khada namaz padhe aur Allah se koi khair maange to Allah usko zarur dega.
Sahih Bukhari, Jild 6, 5294
Jabir Radi allahu anhu se rivayat hai ki Rasool-Allah ﷺ ne farmaya juma ka din 12 ghante ka hai jisme koi momin banda Allah subhanahu se kuch mange to Allah usko zarur ata farmate hai , tum log usko asar ke baad aakhri waqt mein talash karo.
Sunan Nasaii, Vol 1,1392-Sahih
Anas bin malik Radi allahu anhu se rivayat hai ki AAP ﷺ ne farmaya Juma ke din (dua qubul hone ki) wo mubarak ghadi ko Asar aur gurub e aaftab (yani magrab ) ke darmiyan talash karo.
Jamia Tirmidhi , Jild 1, 471-Sahih
ﻭﺍﻟﻠﻪﷻ ﺃﻋﻠﻢ
By- Shaik Ahmad
