Abu Hurairah aur Huzaifa (RaziyAllah Tala Anhuma) bayan karte hain ke Rasool e kareem ﷺ ne Farmaya -
ALLAH Ta'ala ne humse pahle logo ko Juma se door rakha, to yahudiyon ke liye Hafte ka din, aur Isaaiyo ke liye Itwaar ka din tha, Allahu Ta'ala hame laya to usne hame juma ke roz ki hidayat di aur Juma aur phir uske bad hafta aur uske bad itwar rakha, aur isi tarah roz e Qayamat bhi wo hamare peeche honge, hum duniya mai aakhiri hain, aur Qayamat ke roz pahle honge jinka sab makhlooq se qabal faisla hoga.
Sahih Muslim Hadees No. 856
Khaas ibadat keliye Juma jaisa mubarak din hame naseeb huwa aur Qiyamat ke din bhi hamare hisab sob se pehle hoga jab ke hum sob se aakhir ummat hain,
Al-Humdulillah!
By- Shaik Ahmad
