Abu darda (RaziyAllah anhu) bayan karte hain ke: Nabi kareem ﷺ minber par tashreef le gaye aur logo ko khitab karne lage, aur Aap ne ek aayat tilawat ki aur mere pahlu mai abi bin ka'b baithe huwe the, maine unhe kaha: Ay Abi zaraa ye to batao ke ye aayat kab nazil huwi thi? to abhi ne mere sath baat karne se inkar kar diya, maine phir unse dariyaft kiya to unhone mujhse bat na ki, hatta ke Rasool kareem ﷺ minber se neeche utar aayen to Abi bin kaab mujh se kehne lage: Aap ko is juma se kuch hasil nahi huwa siwae iske jo Aap ne laghu (bekar) kaam kiya hai, aur jab RasoolAllah ﷺ namaz juma se farigh ho chuke to maine aakar unhe bataya to RasoolAllah ﷺ farmane lage: "Abi bin Kaab ne sach kaha hai, jab tum apne imam ko khutba dete huwe suno to uske khutba se farigh hone tak khamoshi ikhtiyar karo"
Sunan Ibn Maja hadees no. 1111, Musnad Ahmad hadees no. 20780, Busairi aur Allama Albani rahimhullah ne tamam ul mazah safha no. 338 mai ise sahi qarar diya hai
To jab kisi ayat ke mutaliq sawal karne se Juma ka ajr o sawab zaaya ho jata hai, to phir jo shakhs tijarat aur zira'at ya dusre dunyawi umur ki baatein kare uska kya haal hoga?
Isi tarah khutbe ke dauran phone mai message check karna ya message bhejna, miss call check karna ya miss call dena ghalat hai.
ﻭﺍﻟﻠﻪﷻ ﺃﻋﻠﻢ
By- Shaik Ahmad
