Hadees -
RasoolAllah (ﷺ) ne farmaya mafhum-
‘Behtareen din, jis par Suraj Tuloo hokar Chamke, Wo Juma ka din hai, isi din Aadam (alayhissalam) paida hue, isi din jannat me Dakhil kiye gaye, isi din Jannat se (Zameen par) Utare gaye aur Qayamat bhi Juma ke Din Qayem hogi.’
Muslim: al-Juma 854
Hadees-
Abu Lubaaba (Razi’Allahu Anhu) se riwayat hai Ke, Nabi-e-Kareem (ﷺ) ne farmaya mafhum -
‘Juma ka Din Dino’n ka Sardar hai, Allah ke nazdeek Bada Din hai aur ye Allah ke Nazdeek Eid-uz-Zuhaa aur Eid-ul-Fitr se bhi badaa hai, is mai 5 baatei’n hain:
1. Is mai Allahu Ta’ala ne Aadam ko paida kiya.
2. Is mai Allahu Ta’ala ne Aadam ko Zameen par utara.
3. Is Din Aadam Faut (Wafat) hue.
4. Is mai 1 Ghadi (waqt) hai jo banda is Ghadi me Allahu Ta’ala se Sawaal karta hai wo isko de deta hai jab tak wo Haraam Cheez ka sawaal na kare.
5. Is din Qayamat Qaayam hogi, koi Muqarrab Farishta na Aasmaan mai, na Zameen mai, na hawa mai, na Pahaad mai aur na dariya mai magar wo Juma se Darte hain.’
Ibne Majja: Iqamatis Salah 1084 Imam Buseeri ne Hasan kaha
copied
