Abu huraira (raziyallahu anhu) bayan karte hain ke Rasulullah ﷺ ne farmaya: jab nisf (aada) shaban hojaye to (nafeel/sunnat) roze na rakhkho.
Sunan Ibn majah 3237
Sunan Ibn majah 1651
Sheik Ibn Baz (Rahimhullah) se nisf shaban ke bad roze rakhne wale "nahi" ki hadees ke bare me sawal kiya gaya to un ka jawab tha:
Ye Hadees saheeh hai jaisa ke hamare bhai Allama nasiruddin Albaani (Rahimahullah) ne kaha hai, aur us hadees se muraad ye hai ke nisf shaban ke bad roze rakhne shuru kiye jaye, lekin jo shakhs maheena ke aksar ayyam ya phir taqreeban sara maheena hi roze rakhta hai to wo sunnat par amal paira hai.
Dekhein: Majmua fatawa sheik ibn baz 385/15
Aur sheik ibn usaimeen (Rahimahullah) riyazus saleheen ki sharah me kehte hain:
Agar hadees saheeh bhi ho to us me warid "nahi" tahreem ke liye nahi balke sirf karahat ke liye hai, jaisa ke baz ahle ilm ne bhi aisa hi akhz kiya hai, lekin jiski roza rakhne ki aadat ho wo roza rakh sakta hai chahe nisf shaban ke bad hi kyun na ho.
Dekhein: Sharah riyazus saleheen 3/394
Al-gharz nisf shaban ke baad nafeel rozon ka aaghaz karna durust nahi. Ye ummat ke sath asani keliye hai ke aane wale ramazan ke rozon mai uktahat na ho, haan agar shuru shaban se hi roze rakhte aaye hon ya peer o jumerat roze rakhte aaye hon to is ke keliye nisf shaban ke baad bhi roze rakhna durust hai, aur jis shakhs ke pichle qaza roze baqi hon us keliye bhi nisf shaban ke baad apne qaza roze rakhna durust hai.
ﻭﺍﻟﻠﻪﷻ ﺃﻋﻠﻢ
By - Shaik Ahmad
