Nabi ﷺ ne farmaya: Pancho namaze aur juma se le kar juma tak aur ramazan se le kar ramazan tak un ke beech hone wale gunahoon ka kaffara hai jab ke kabira gunah se ijtenab kiya jaye.
Mafhum e hadees, Muslim 233
Yani, panch waqt ki namaze, juma ki namaze aur ramazan ke roze saal bhar mai hone wale gunah ka kaffara (yani ye nekiyan gunaho ka badal) ban jaati hain. Magar shart ye hai ke admi kabira (bade) gunah (yani chori, zina, qatal, sharab, jhoot, maa baap ki nafarmani, waghaira jaise bade gunah) se bachta raha ho. Agar kisi wajah se kabira gunah hogaye hon to sachche dil se toba kiye to Allah maaf karne wala reham karne wala hai.
Lihaza, farz namazo ka, juma ka aur farz rozo ka khaas ehtemam karna chahiye. Kisi bhi tarah ke bahane se in chizo ko tark nahi karna chahiye. Bahano se khud ko aur awwab ko to dhoka de sakte hain magar Allah ko nahi. Allah halat aur dilo ke bhed ko behter janta hai aur isi bunyad per qiyamat ke din faisla karne wala hai.
ﻭﺍﻟﻠﻪﷻ ﺃﻋﻠﻢ
