Quran ki koi bhi surat aur koi bhi ayat kisi bhi waqt padh sakte hain. Magar Quran ke kuch surte aur kuch ayate raat ke waqto mai padhne ki fazilat sahi ahadees mai warid hai, un mai se surah al-Kahf kisi bhi raat mai padhne ki fazilat ke bare mai Abu khaisma ne Abu Ishaq se aur unhone hazrat baraa (Raziyallahu anhu) se riwayat ki unhone kaha: Ek Aadmi surah kahf ki tilawat kar raha tha aur us ke paas hi do rassiyon mai bandha huwa ghoda maujud tha to use ek badli (badal) ne dhaap liya, wo badli ghoomti aur qareeb aati gayi aur uska ghoda usse bidakne laga, Jab subah huwi to wo Nabi ﷺ ki khidmat mai hazir huwa aur aap ko ye majra keh sunaya Aap ﷺ ne farmaya: "sakeenat ( itminan aur rahmat) thi jo Quran ki qira'at ki bina par (badli ki surat mai) utri.
Hadees Sahi Muslim 1856
Isi tarah sureh al-Kahf juma ke din padhne ki fazilat warid hai aur jumerat ki raat (yani aane wale juma ke din wali raat) mai surah al-Kahf padhne ki bhi fazilat warid hai
A. Abu Saeed Khudri (RadiyAllahu anhu) se rivayat hai ki Rasulullah ﷺ ne farmaya, jisne Juma ki raat surah kahaf padhi uske aur baitullah ke darmiyan noor ki
roshni ho jati hai.
Classed as sahi by shaykh al-Albaani in Saheeh Al-Jaami, 6471, Sunan Al-Daarimi, 3407-Sahih Al Baihiqi, Subbul Iman, 2231-Hasan
B. Abu seed khudri RaziyAllahu anhu se rivayat hai ki Rasulullah ﷺ ne farmaya, Jo (Musalman) Juma ke din Surah Al-Kahaf ki tilawat kare to uske liye is juma se agle juma tak ek noor chamakta rahega.
Narrated by al-Haakim, 2/399 (3392); al-Bayhaqi, 3/249. Ibn Hajar said in Takhreej al-Adhkaar that this is a hasan hadeeth, and he said, this is the strongest report that has been narrated concerning reading Soorat al-Kahf. See: Fayd al-Qadeer, 6/198. It was classed as saheeh by Shaykh al-Albaani in Saheeh al-Jaami’, 6470)
Pehli hadees mai surah al-kahf juma ki raat mai padhne ki fazilat warid hai aur juma ki raat jumerat (Thursday) ki magrib ke baad se shuru hojati hai aur doosri hadees mai surah al-kahf juma ke din mai padhne ki fazilat warid hai aur juma ka din fajr ke baad se suraj ghurub hone tak rehta hai.
Dono ahadees ke khulase se pata chalta hai, surah al-Kahf padhne ka waqt jumerat ke din ki magrib ke baad se le kar juma ke din ki maghrib tak rehta hai. Lihaza jumerat ki raat mai kisi bhi waqt ya tahajjud ke waqt ya juma ki fajr namaz ke baad ya juma ki namaz se pehle ya baad ya juma ke din asr ki namaz ke baad, in chubees (24) gantho mai kabhi bhi padhle in shaa Allah surah al-Kahf padhne ki in dono ahadees mai se koi bhi fazilat hasil hojayegi.
ﻭﺍﻟﻠﻪﷻ ﺃﻋﻠﻢ
By - Shaik Ahmad
