Laytul qadr/ Shab e qadr mai aurato keliye bhi wahi ibadate hain jo mardo keliye hain, jaise Namaz, Zikr, Dua, Quran e Majeed ki Tilawat, Sadqa, Masjid mai itekaf baitna, Waghairah.
Aur isi tarah Haiza aurate bhi ye sare ibadate kar sakti hain siwae namaaz, roza, Tawaf e Kaba, aur Itekaf baithne ke. In char chizo ko chor kar Haiza aurte sari ibadate kar sakti hai.
Ayesha (Raziyallahu anha) farmati hai ki ek hajj me mai haiza ho gai, toh Rasoolullah ﷺ ne farmaya, “Baitullah ke tawaf ke alawa baaki har wo kaam karo jo haji karta hai.
Sahih al-Bukhari, hadith- 294
Umm Atiyya (Raziyallahu anha) farmati hai ki Rasoolullah ﷺ ne Haiz wali aurto ko bhi Eid ke roz Eidgah jane ka hukm diya taaki wo logo ke takbiro ke sath takbire kahe aur un ki duae ke sath duae kare lykin namaz na padhe.
Sahih al Bukhari, hadith- 324
ﻭﺍﻟﻠﻪﷻ ﺃﻋﻠﻢ
