Bahot Se bhaiyo ko JaB Quran 72:18-20 ke hawalo se bataya jaay ki Allah ke Sath he Kisi aur ko bhi Ghaibi Madad ke liye Pukarna Shirq hai, to ye bhai Bukhari Sharif ki ek Hadith dikha kar kahte hain ki Musalman ka Shirq karna namumkin hai .
Hazrat 'Uqba bin 'Amir razi. Rewayat karte hain ki Nabi ﷺ ne Uhad ke Shohda ki Namaz e Janaza Padhane ke baad Sahaba ko Mimbar Sharif Se khitaab karte hue kuch baten kahin aur farmaya
“Allah ki kasam . mai is baat se nahi darta ki tum log mere Jaane ke baad Allah ke sath dusro ki bhi ibadat karne lagoge, lekin Is baat se darta hu ki tum log aapas me ek dusre ke sath duniyawi cheezo ke liye Jang aur fasaad karne lagoge”
[Sahi Bukhari Volume 2, Book 23, Number 428]
Lekin bhaiyo aapko kya lagta hai ki Musalmano me se koi shirq na karega ?
aaj filmy duniya me na jaane kitne Musalman aadmi auraten hain Jo murti pujne lage apne hindu miya/biviyo ke sath. aam zindagi me na jaane kitni muslim ladkiya hindu ladko se shadi karke murti pujne lagti hain, Ye nahi dekha aapne ?
Us hadith ka mafhoom ye hai ki Nabi karim ﷺ ka Wo bayan Sirf Wahan maujood Sahaba ke liye tha, na ki Tamam ummat ke Liye tha, Is hadees ke pehle hisse mein RasoolAllah ﷺ Uhud ke baad Sahaba se mukhaatib hain. aur unkee baare mein kuch baaten farmaa rahe hain. ulama ke khyal se ye khaas un logon se kalaam hai.
tareekh se ye ham jaante hain ki Sahaba kee aapsi jangen huin. Jang e Siffin, aur jang e Jamal mashoor hain. Phir Hazrat Muqaiyah aur Hazrat Ali kee aapsi chapkalish aur Karbala ka waaqiya. ye sab jang o fasad Sahaba se hue. haan lekin Shirk unhon ne nahi kiya. Allah ke Rasool ﷺ kee yahi fikr thi ki wo aapsi ranjish jo unkee Nabuwwat se pehle Arabon mein rahi thi wo waapas zinda na ho jaaye. Sahaba ke shirk karne ka unhe koi andesha nahi tha aur ye sahi bhi nikla.
Un Sahaba ka Shirq karna na-mumkin tha lekin Duniyawi Cheezo ke liye unme Ikhtilaaf hua
To ye Hadith na Tamam Ummat ke liye hai aur na kayamat tak ke liye . To Isko Tamam ummat Pe apply b nhi karna chahiye !!
fir bhi Agar kisi tarah isko Tamam Ummat Pe Apply kia Jaay to haalaat ko Dekhte hue iska Ye he matlab nikala ja sakega ki Musalman sirf deen se phirte magar aapas me fasaad na karte to bhi ganeemat thi lekin Musalmano ki haalat us se bhi zyada giregi aur wo log Aapas me He Maar-kaat Bhi karne lagenge .
FiLhal us hadith se aap be-fikr na ho jaayn ki musalman ka shirq karna namumkin hai
Agar Musalman ka deen itna he mahfooz hota to Nabi kareem ﷺ Bidat ko Mardood na thahraate aur na kabro ko pakka karne se rokte, aur na Dusro ki Qaum ki Mushabehat se rokte .
