Koi Ghode par beth kar asman main kaise ja sakta hain, usko uddan ghoda bhi keh dete hain chidane ke liye.
Lekeen Muhammad ﷺ nay meraj ka safar ek uddan ghode par beth ke kiya aisa na to Quran main likha hain na hi kahi koi sahih Hadith main likha hain,
To ab sawal yeh banta hain ki kuchh log uddan ghoda kyun kehte hain ? iske do wajah hain. Pehli wajah hadith main yeh likha hain ki Muhammad ﷺ buraq par beth kar asman gaye uss janwar ka size ghode se chhota aur gadhey se bada tha, yaha sirf uska size batne ke liye ghoda ka name liya hain par wo ghoda nahi tha wo kya tha humko nahi maloom, uske bare main kuchh detail main bataya bhi nahi gaya hain, haan uske bare main yeh bataya gaya hain hadith main ki wo jeetni dur tak dekhta tha uska ek kadam utani dur tak padta tha yeh uski speed thi, isse jayda nahi maloom. Dusari wajah kuchh logo nay ghoda ka body bana kar uspe ladki ka sir laga diya aur kehdiya yeh buraq tha jiski koi sachchai nahi .
Ref: Bukhari 3207, 3887
kya bina oxygen space suit ke koi space main ja sakta hain
Koi bhi nahi ja sakta. fir Muhammad ﷺ kaise gaye ? To bhai unke saath Allah thay wahi Allah jinhone yeh qayanaat ko banaya hain, jinhone isa (as) ko bina baap ke paida kiya hain, jinhone yasuf (as) ko teen din Whale ke pet main zinda rakha, jinhone samudar ko do hisso main alag karke musa (as) ke liye rasta bana diya, aur bhi bahut sare miracle kiye aur sabse bada miracle yeh qayanaat hain jisko kuchh nahi se sabkuch bana diya, To bina oxygen aur space suit ke Antriksh main jana konsi badi baat hain Allah chahey to kuchh bhi ho sakta hain.
Haan yeh baat alag hain ki koi insaan jo atheist ho ishwar ko na manta ho wo yeh kehsakta hain ki yeh possible nahi hain, To pehle hum yeh sabit nahi karege ki yeh possible hain, balki pehle yeh saabit KAREGE ki ishwar hain jab wo ishwar ko maan lega to miracles ko manne main koi problem nahi honi chahiye.
Kuchh meraj ke safar ko scientifically sabit karne ke liye theory of relativity ka bata te hain ki buraq light tha aur koi light se safar karta hain to time ruk jata hain, koi light se safar tabhi kar sakta hain jab mass zero ho to kya Muhammad ﷺ ka mass bhi zero tha iss hisaab se to Barelviyo ka aaqida sahi hain ki Muhammad ﷺ noori makhlook thay basar nahi thay Balki light thay, yeh sabki koi sacchai nahi Muhammad ﷺ basar (mass) hi thay aur mass hote hue light ki speed se safar karna possible hi nahi hain.. yeh miracle tha isko miracle hi mane jaise baki sabko miracle mante ho isko science se saabit na karo, aur koi miracle science se saabit hota bhi nahi hain, jo miracle science se saabit ho wo miracle nahi rehta fir .
Allah knows best
