AASHURA (10 MUHARRAM) KE DIN MATAM BIDAT HAI ROZA SUNNAT HAI!
Aashura yani daswan (10th), Muharram ka daswan din. Maazi mai is din do bade waqiyat pesh aye hain. Ek Qariban 1400 saal pehle karbala ke maidan mai Nabi ﷺ ke nawase hussain (raziyallahu anhu) ki shahadat aur doosra Qariban 3000 hazar saal pehle Allah ne dariya ko cheer kar rasta bana kar Musa (alayhissalam) aur un ki qaum Bani-israeel ko zalim firaun aur us ke lashkar se najaat di, jis ka zikr zayl mai digayi hadees mai hai...
Abbas (RaziyAllah anhuma) ne kaha: Jab Nabi kareem ﷺ madeena tashreef laaye to wahan ke log ek din yani aashura ke din roza rakhte the. Un logo (yahudiyon) ne bataya ke ye badi azmat wala din hai, isi din Allahu Ta'ala ne Musa (Alayhissalam) ko nijaat di thi aur Aal e firaun ko gharq kiya tha. uske shukr me Musa ne us din ka roza rakha tha. Huzur ne farmaya ke Mai Musa ke unse zyada qareeb ho. Chunanche Aap ne khud bhi us din ka roza rakhna shuru kiya aur sahaba ko bhi us ka hukm farmaya. (Hadees Sahih Bukhari 70)
Jo log is din matam karte hain soog manate hain deen ke naam se tarah tarah ke nezeba kaam anjam dete hain taziya nikalte hain wo Hussain (raziyallahu anhu) ki shadat ke naam se bidat ka irtekab karte hain jo ke haram hai her saal kisi ki wafat ka #gham manane ki islam mai ijazat nahi...
Abdullah bin masood (Raziyallahu anhu) se riwayat hai ki Rasulullah ﷺ ne farmaya jo shaksh apne rukhsar peete, girebaan phade (kapde phaade) aur jahiliyat ke zamane ki tarah baatain kare "wo hum mai se nahi" hai. (Sahih Bukhari, Vol 2, 1297)
Aur jo log Bani israeel ki zalim firaun se rihayi ki #khushi mai Allah ka shukar ada karte huwe roza rakhte hain ibadat ka khaas ehtemam karte hain wo log sunnat per amal karte hain, jaisa ke Nabi ﷺ ne ashure ka roza rakha hai...
Hazrat Ibne Abbas (Raziyallahu anhuma) bayan karte hain: Maine Nabi ﷺ ko siwae Ashura ke din ke aur is Ramazan ke maheene ke aur kisi din ko doosre dino se afzal jaan kar khaas taur se qasd (irada) kar ke roza rakhte nahi dekha. (Sahih Bukhari: 2006). ﻭﺍﻟﻠﻪﷻ ﺃﻋﻠﻢ
