Ek Sahabi RasoolAllah ﷺ ki khidmat main haazir hue Aur arz kiya ke ya RasoolAllah ﷺ mere Acchey sulooq ka sab se ziyada haqdaar kon hai ? Muhammad ﷺ nay farmaya ke tumhari maa hai. Poocha is ke baad kon hai? Muhammad ﷺ nay farmaya ke tumhari maa hai. Unhon nay phir poocha is ke baad kon? Nabi kareem ﷺ nay farmaya ke tumhari maa hai. Unhon nay poocha is ke baad kon hai? Nabi kareem ﷺ nay farmaya ke phir tumhara baap hai.
-Source Bukhari 5971
Aur momin aurton say keh do kay woh apni nigahen neechi rakhen , Aur apni sharmgahon ki hifazat keren,
Aur apni sajawat ko kissi per zahir naa keren, Siwaye uss kay jo khud hi zahir hojaye, Aur apni oarhniyon kay aanchal apney giraybanon per daal liya keren, Aur apni sajawat aur kissi per zahir naa keren, siwaye apney shohron kay, ya apney baap , ya apney shohron kay baap kay , ya apney beton ya apney shohron kay beton kay , ya apney bhaiyon ya apney bhaiyon kay beton , ya apni behnon kay beton kay , ya apni aurton kay , ya unn kay jo apney haathon ki milkiyat mein hain , ya unn khidmat guzaron kay jinn kay dil mein koi ( jinsi ) taqaza nahi hota , ya unn bacchon kay jo abhi aurton kay chupay huye hisson say aashna nahi huye . Aur musalman aurton ko chahiye kay woh apney paon zameen per iss tarah naa maaren kay unhon ney jo zeenat chupa rakhi hai woh maloom hojaye . Aur aey momino ! tum sabb Allah kay samney tauba kero , takay tumhen falah naseeb ho .
-Source Qur'an 24:31
Zabardasti Nikah karwana mana Hai
Jaffar (rz) Ki Aulaad mese ek Ladki ko Iska Darr tha ki unka Wali unka Nikah unki Pasand ke bina kardenge To unho nay Qabila Ansar ke do shyokh Abdur-Rahman aur majammi ko Jo Jaria ke betay they kehla bheja unhon ney Tassali di ke koi khauf naa Karen. Kyun ki Khansa' bint Khidam (rz) ka Nikah unke papa nay zabardasti kissi se Karwadiya tha to RasoolAllah ﷺ nay uska Nikah Radd kar Diya
-Source Sahih Bukhari 6969
Mard Aurton kay nigran hain, kiyoki Allah ney unn Mein say ek ko dusare Par fazilat di hai, Aur kiyo ki Mardon ne Apne maal kharch kiye hain isliye naik aurten farmanbardaar hoti hain , Mard ki ghair mojoodgi mein Allah ki di hoi hifazat say ( uss kay huqooq ki ) hifazat kerti hain . Aur jin Aurton say tumhen sarkashi ka Andesha ho to ( pehlay ) unhen samjhao , Aur ( agar iss say kaam naa chalay to ) unhen khuwab gaahon (sone ki jagah) mein Akeli chhor do , ( Aur iss say bhi islaah naa ho to ) unhen Maaro . Fir agar woh tumhari baat maan len to unn kay khilaf kaarawai ka koi raasta talash naa kero . Yaqeen rakho kay Allah sabb kay ooper , sab say bara hai .
-Source Qur'an 4:34
Jab Muhammad ﷺ ko Maloom hua ke Persian logo nay Khosrau ki Beti ko Apni Rani (Queen) Bana liya To Muhammad ﷺ nay Farmaya: Wo koam (Desh) Kabhi kamyab nahi hoga Jo Apna Ruler kissi Aurat ko Bana le
-Source Sahih bukhari 7099
