Qur'an se Saabit hain Hadeeso ko manna Muhammad ﷺ ki Hadeeso ka inkaar karna Qur'an ka inkaar karna hai, Aur koi yeh kehta hai ki sahih Bukhari mai jeetni bhi hadeese hai unme koi bhi hadees Muhammad ﷺ ki nahi hai sab baad mai ghad ke likhi hue hai yeh kehke inkaar kare to baat alag hai,
Lekeen kya aisa possible hai ki sahih Bukhari mai Muhammad ﷺ kahi hue ek bhi hadees nahi sab jaali hai ?
Lekeen koi Yeh maan raha hain ki Sahih Bukhari, Sahih Muslim, ki Kuchh hadeese hai to Muhammad ﷺ ki lekeen mai nahi manta to wo Muhammad ﷺ ki baat ko maan ke uska inkaar kar raha hai Matlab Wo keh raha hai ki sirf Qur'an mai likha hua hai wahi mano uske aalawa jo bhi baat Muhammad ﷺ ney kahi hai wo naa mano aisa iNsaan Qur'an ka bhi inkaar kar raha hai dekho in ayaton ko
PEHLI AYAT
( Aey payghumber ! ) tumharay perwerdigar ki qasam ! yeh log uss waqt tak momin nahi hosaktay jab tak yeh apney bahami jhagrron mein tumhen faisal naa banayen , phir tum jo kuch faisla kero uss kay baaray mein apney dilon mein koi tangi mehsoos naa keren , aur uss kay aagay mukammal tor per sar-e-tasleem kham kerden .
(Qur'an 4:65)
iss Ayat main clear kaha gaya hai ki Muhammad ﷺ jo Fesla kare usko manna hoga agr Muhammad ﷺ ke fesle ka koi inkaar kare to wo iss ayat ka inkaar kar raha hai, aur Qur'an ki ek ayat ka inkaar puri Qur'an ka inkaar hai.
DUSARI AYAT
Aur hum ney tum per yeh kitab issi liye utaari hai takay tum inn kay samney woh baaten khol khol ker biyan kerdo jinn mein enhon ney mukhtalif raastay apnaye huye hain , aur takay yeh emaan laney walon kay liye hidayat aur rehmat ka saman ho .
(Qur'an 16:64)
iss ayat se clear pata chalta hai ki jo kitaab Allah ney Muhammad ﷺ ko di usko sahih se Muhammad ﷺ ney samjhaya humko, Aur unki baat hadeeso se hi mileagi Agr hum Unka samjhaya hua Chhor de, matlab hadeeso ko chhor de to fir hum Qur'an ki ayaton ka matlab jo humko Muhammad ﷺ nay khol ke bayan kiya hai wo kaha milega? Fir jisko jo sahih lagega wo matlab nikalege jo humko pasand aayega wo nikalege fir to yeh Qur'an apni manpasand ki Qur'an hogi har koi apne apne pasand ka matalab nikaal lega jo usko accha lagega .
Sahih mai MunkeeE-e-HadeeS bahut badi Gumrahi hai.
